Juhlop kulttuuräärbi pirrâ Euroop. Tiervâpuáttim mieldi!

Kulttuurpirâspeeivih, eŋgâlâskielân European Heritage Days, annojeh 49 staatâst. Peeivij luvvijd tuháttijd tábáhtussáid uásálisteh joba 20 miljovn olmožid.

Peeivij ulmen lii juhlođ mii áinoošlajâsii kulttuuräärbi já lasettiđ ton áárvustanneem. 

European Heritage Days lii Euroop rääđi já Euroop komissio ohtsâš ohjelm.

Toimâvyevih já iheteemah

Peeivij kulmâ toimâvyevi láá

  • aalmugtábáhtusah já -kampanjah,
  • Kulttuurpirrâs tahheeh –kišto já  
  • European Heritage Days Stories –mainâs- já hahâuuccâm.

Sierâlágán iheteemah pyehtih kulttuuräärbi juhlomân ain uđđâ uáinu. Puáttee iheteemah láá

  • 2022 Kilelis ärbi (Sustainable Heritage)
  • 2023 Ellee ärbi (Living Heritage)
  • 2024 Heritage of Networks, Routes and Connections
  • 2025 Architectural Heritage

Ellee ärbi 2023

Mii ohtsijd lii sávnumist, skeittiimist já kuobbâristmist? Kyykäst, karaokest já suábbihiävušraccastmist? Lätteeráánu kođemist, ráp-muusikist já ruvâšleeibi liäibumist? Toh puoh láá ellee kulttuurärbi já juhlom čuosâttâhhân ive 2023.

Ellee ärbi lii täävih, tááiđuh já mainâseh

Euroop kulttuurpirâspeeivih viättojeh ive 2023 teemain Ellee ärbi. Tain uáivilduvvoo immateriaallâš kulttuurärbi, tego täävih, tááiđuh já mainâseh. Ellee ärbi lii iärásij juávhust juhle já argâ, speelah já sierah, tyejimáttu já purrâmušärbivyevih, muusik já tánssám, njálmálâš ärbivyehi já luándun kyeskee tiätutáiđu. Toos kuleh meid tááiđuh já täävih kevttiđ já tipšođ kulttuurpirrâs ađai rakânâsâid, šiljoid já enâduvâid.

Ellee ärbi sirdâšuvá ulmust já suhâpuolvâst nuubán. Tot lii dyynaamlâš, ovdáneijee já maaŋgâhámásâš. Mij pyehtip jieškote-uv hammiđ tast jieččân hámásii já povdiđ iärásijd mieldi feeriđ já kattiđ ärbivuovijd. Jieijâs ääigi ellee ärbivyevih pyehtih ilo, pyereestvaijeem já siärvuslâšvuođâ.

Puáđi mieldi teemaihán!

Puohah láá tiervâpuáttim mieldi olášuttiđ teemaive. Tun puávtáh uásálistiđ eidu tunjin hiäivulijn vuovvijn.

  • Láávlu já liäibu, sierâd já speelâ, tánssáá já tuoijuu, oovdânpyevti muusik já muštâl. Naavdâš ellee äärbist aargâst já juhleest.
  • Muštâl olssâd tehálii ärbivyevist sosiaallii mediast #elleeärbi.
  • Ornii aalmugân ávus tábáhtus já almoot tom kulttuurpirâspeeivij kalenderân.
  • Čääli artikkâl Ellee äärbi wikiluvâttâlmân .

Aalmugtábáhtusah já -kampanjah

Puohah láá lieggâsávt tiervâpuáttim orniđ ohjelm kulttuurpirâspeivijd.

Uápistum mokkemaađhijd, juuhlijd, talgoid, viermitábáhtusâid, sierâlágán kampanjaid já eres ohjelm puáhtá orniđ pirrâ ive. Tábáhtus puáhtá haalijddijn soijiđ kulttuurpirâspeeivij válduäigimuudon, mii lii Suomâst jyehi ive čohčâmáánu nube ohhoost tâi aalmugijkoskâsii enâdâhpeeivi ohtâvuotân 20. roovvâdmáánu.

Lii pyeri, ete aalmugtábáhtusah láá nuuvtá tâi peessâmmáávsu tááhust häälbih, vâi puohâin lii máhđulâšvuotâ uásálistiđ. Tábáhtusah almottuvvojeh Kulttuuriymparistomme.fi –siijđoi kalenderân, mast toh sirdâšuveh aalmugijkoskâsijd www.europeanheritagedays.com -sijđoid.

  • Liŋkkâ tábáhtusalmottâsluámáttâhân kulttuuriymparistomme.fi –siijđoin (suomâkielân): Ehdota uutta tapahtumaa 
  • Lasetiätu já oonah tábáhtusornimist kulttuuriymparistomme.fi –siijđoin (suomâkielân): Järjestä tapahtuma

Kulttuurpirrâs tahheeh –kišto

Kulttuurpirrâs tahheeh (Young European Heritage Makers) kišto movtijdit párnáid já nuorâid aiccâđ jieijâs pirrâs já kulttuuräärbi. Kišto vievâst ruokâsmiteh párnáid já nuorâid uásálistiđ já vaiguttiđ pirrâs oovdedmân já kulttuur uđâsmitmân.

European Heritage Days Stories

European Heritage Days Stories pivdá muštâliđ mainâsijd kulttuurärbičuosâttuvâi já kulttuurärbitooimâi eurooplii ooláádmuddoost já uuccâđ ruttâdem mainâsij haahân tohâmân. Uuccâm lii čuosâttum kulttuurpirâspeeivij tábáhtusuárnejeijeid . Ovdebij iivij ääigi love pyeremus hahâidead láá finnim joba 10 000 euro stuárusii hahâruttâdem.

Lasetiätu suomâkielân kulttuuriymparistomme.fi –siijđoin: European Heritage Days Stories -hankehaku

Lasetiäđu eŋgâlâskielân tun kaavnah European Heritage Days viermisiijđoin: European Heritage Days stories

 

Viermisiijđoh já sosiaallii media kanavah

Julkaistu 4.12.2020 klo 17.32, päivitetty 15.8.2022 klo 13.18