Kulturbirasbeaivvit

Mii lea dutnje vuohkkaseamos vuohki oassálastit?


Ordne dáhpáhusa 

Dáhpáhus sáhttá leat rabas uvssaid beaivi, oahpisteapmi, čájáhus, bargobádji dahje juoidá áibbas eará! Almmuhathan dáhpáhusat dáhpáhuskaleandarii.

Kulturbirasbeivviid
© Suoma Ruovttuguovlolihttu.

 

Oassálastte dáhpáhussii 

Kulturbirasbeivviid áigge ordnejuvvojit čuođit dáhpáhusat miehtá Suoma ja duháhat miehtá Eurohpá. Oza alccesat heivvolaš dáhpáhusa kaleandaris ja ávvut kulturbirrasiid!

Ávvut iežat láhkai

Ordne doaluid, vánddar dahje ordne eaktodáhtolaš doaimma ja daga iežat birrasis vel buorebu, gos loaktá!

Daga čatnašumi 

Čatnaseapmi kulturbirrasii lea lohpádus doaibmat kulturbirrasiid beales. Sáhtát ordnet dáhpáhusa dahje ollašuhttit idea, man leat ožžon dáhpáhusas.
 

Juohke jagi ođđa temá

Dovdda árbbát, juoge muitalusat 2018. Temájagi bajilčála bovde ovddidit kultuvrralaš čehppodaga ovttas. Dahkat kulturárbbis deaivvadeami báikki ja dialoga gaskaoami!

Temájagi čohkket ja vurket muitalusaid kulturárbbis ovttasbargguin Suopmelaš Girjjálašvuođa Servviin.

  • Maid don dieđát ja máhtat iežat kulturárbbistat?
  • Mo du kulturárbi lea olggosoaidnit, makkár dan jietna lea, makkár hádja das lea ja mo dat dovdo?
  • Mo vássánáiggi dovdoárbevierru váikkuha dutnje dál?
  • Maid háliidivččet diehtit, vásihat ja oahppat lasi?
  • Maid háliidat muitalit iežat ja ipmirdit earáid kulturárbbis?
  • Mii kulturárbái gullá ja mo dan máinnas joatkašuvvá?

Temájagi bajidat ovdan earret eará árgabeaivvi, bearraša, soga, mikrohistorjjá sihke sierraahkásaš olbmuid ja servoša árbbi - min juohkehačča máinnashan lea oassi eurohpalaš kulturárbbis.

Oktasaš eurohpalaš huksenávdnasat gávdnojit maiddái dáidagis, ealligovvamuitaleamis, huksema vugiin ja máinnastanárbbis. Demokratiija ja olmmošvuoigatvuođat adnojuvvojit dávjá oktasaš eurohpalaš árvun. Mo dat oidnojit kulturárbbisteamet?

Dáhpáhusordnejeaddjim sávvat ovdamearkan girjerájuid, skuvllaid, arkiivvaid, museaid, sohkaservviid ja eará servviid ja buohkaid, geat leat beroštuvvan dán fáttás - juohkehaš lea bures boahtán ordnet prográmma kulturárbebeivviide. Dáhpáhusbáiki sáhttá leat mii beare - kulturárbi gávdno juohke sajis. Beivviide ordnejuvvojit ovdamearkan reaissut, giliávvudeamit, oahpistuvvon jorrosat, bargobajii ja rabas uvssaid beaivvit - sáhtát maiddái hutkat áibbas iežat vuogi ávvudit kulturárbbi!
 

Kulturárbejahki 2018

Eurohpá kulturbirasbeivviid jahketemá viidásut eurohpálaš kulturárbbi temájahkái, maid Suomas koordinere Musealágádus. Eurohpá kulturbirasbeaivvit leat okta deháleamos vugiin ollašuhttit kulturárbejagi. Suomas guovddážii bajiduvvo juohkehačča oasálašvuohta kulturárbái. 

Loga lasi: Kulttuuriperintövuosi 2018

Kulturbirrasa dahkkit 

Kulturbirrasa dahkkit -gilvvus mánát ja nuorat ohcet eurohpálaš máidnasiid iežaset lagašbirrasis.

Oassin Eurohpá kulturbirasbeivviid ordnejit mánáide ja nuoraide jahkásaččat Kulturbirrasa dahkkit -gilvvu. Gilvobargu laktása kulturbirasbeivviid jahketemái. Suopmelaš gilvvut ordnejuvvojedje 2013-2017. Jagi 2018 suopmelaš málle sirdašuvvá oassin European Heritage Days -prográmmii ja dasa sáhttet oassálastit buot 50 riikka, mat leat mielde prográmmas. Jagi 2018 rájes gilvu lea oppa Eurohpá oktasaš ja buot vuollel 18-jahkásaččat sáhttet oassálastit gilvui juohkimiin gova ja muitalusa!

Oassálastte gilvui riikkaidgaskasaš gilvosiidduin, gos gávnnat dárkilut rávvagiid. Gilvoáigi nohká Eurohpá-beaivve 9. miessemánu. Árabut jagiide spiehkkasettiin gilvui ii sáhte oassálastit šat joavkobargguiguin.

Loga lasi: Europeanheritagedays.com Heritage Makers in Finland

Lassidieđut: Suoma Ruovttuguovlolihttu (Suomen Kotiseutuliitto), erp(at)kotiseutuliitto.fi 

Publicerad 26.7.2018 kl. 13.28, uppdaterad 26.7.2018 kl. 13.28