Kulturbirasbeivviid

Kulturbirrasiid ávvudat sierra guovlluin Eurohpás - buohkat sáhttet oassálastit sin iežaset vugiideasetguin.

Kulturbirasbeaivvit leat Eurohpá ráđi ja Eurohpá kommišuvnna oktasaš prográmma, masa oassálastet badjel 20 miljovnna olbmo buohkanassii 50 riikkas. Váldodáhpáhusvahkuloahppa lea čakčamánus.

Kulturbirasbeivviid

© Suoma Ruovttuguovlolihttu.

 

 

Mii lea dutnje vuohkkaseamos vuohki oassálastit?


Ordne dáhpáhusa 

Dáhpáhus sáhttá leat rabas uvssaid beaivi, oahpisteapmi, čájáhus, bargobádji dahje juoidá áibbas eará! Almmuhathan dáhpáhusat dáhpáhuskaleandarii.

Oassálastte dáhpáhussii 

Kulturbirasbeivviid áigge ordnejuvvojit čuođit dáhpáhusat miehtá Suoma ja duháhat miehtá Eurohpá. Oza alccesat heivvolaš dáhpáhusa kaleandaris ja ávvut kulturbirrasiid!

Ávvut iežat láhkai

Ordne doaluid, vánddar dahje ordne eaktodáhtolaš doaimma ja daga iežat birrasis vel buorebu, gos loaktá!

Daga čatnašumi 

Čatnaseapmi kulturbirrasii lea lohpádus doaibmat kulturbirrasiid beales. Sáhtát ordnet dáhpáhusa dahje ollašuhttit idea, man leat ožžon dáhpáhusas.
 

Juohke jagi ođđa temá

Suohttasiid ja dáidaga olis 2019

Kulttuuriympäristöpäivät 2019 saame
 

Jagi 2019 Eurohpa kulturbirasbeivviid áigge leat miehtásat deaivvademiide suohttasiid ja dáidaga olis.

Makkár dáidda bisseha? Makkár suohttasiin bohciidit jurdagat? Mii geassá moji, čáimmaha ja čieruha? Makkár sadji ealláha muitalusaid? Iešguđetlágán eallámušat návddašahttet ja loktejit min bajábeallái árgga. Dáidaga ja suohttasiid fáddájagi čalmmustuhttojit dáidaga duddjon ja muosáheapmi, suohttasiid iešguđetlágán hámit sihke muosáheddjiid oaidninvuogit ja eallámušat. Dehálaččat leat maid báikkit, main muosáhus ja eallámuš šaddá.

Dáidda ja suohttasat ovttastahttet Eurohpa: musihkka čuodjá ja dánssa doalvu mielddis, go olbmot miehtá Eurohpa návddašit suohttasiin ja dáidagis ealligovvateáhteriin, museain, párkkain ja konseartasáliin. Min illudahttet maid sirkkusdáidda, girjjálašvuohta, lávde- ja govvadáidda sihke duháhat iešguđátlágán festiválat.

Dáhpáhusat kulturbirasbeivviide sáhttet lágiduvvot miehtá jagi. Fáddávahkku dollojuvvo dán jagi 2.-8.9.2019.

Kulturbirrasa dahkkit 

Muital muitalusa suohttasiin dehe dáidagis ja oassálastte gilvui!

Kulturbirrasa dahkkit leat mánáide ja nuoraide čuozihuvvon gilvu, mas dutkojuvvo, suokkarduvvo ja árvvoštallojuvvo iežas biras ja dan kulturárbi. Gilvui sáhttet oassálastit buot vuollel 18-jahkásaš mánát ja nuorat miehtá Suoma. Kulturbirrasa dahkkit lea oba Eurohpaviidosaš European Heritage Makers Week -dáhpáhusa oassi.

Du bargun lea muitalit beaktilis muosáhusa suohttasiid dehe dáidaga birra govain dehe videoin ja oanehis deavsttain. Vállje iežat beroštahtti čuozáhaga dáidaga ja suohttasiid máilmmis. Goas dáidda dehe suohttasat leat lihkahan du? Makkár jurdagat ja dovddut das bohciide? Guorahala, maid eurohpalaččaid don gávnnat iežat válljen čuozáhagas? Muital midjiide dáidaga ja suohttasiid muitalusa ovttain govain dehe videoin ja oanehis deavsttain. Oassálasttát gilvui nu ahte juogát iežat muitalusa eurohpalaš fierbmesiidduin!

Oassálastte gilvui ovttain dehe eanet iežat bargan dujiin. Oassálastináigi álgá 5.2.2019 ja nohká 1.5.2019.

Gilvui sáhttá oassálastit čujuhusas bit.ly/HeritageMakersFi

Gilvoráiddut ja vuoittut

Kulturbirrasa dahkkit gilvvus leat guokte ráiddu, vuollel 12-jahkásaččaid ja 12-18-jahkásaččaid gilvoráiddut. Suoma duopmárat válljejit dáidaga ja suohttasiid suorggis vihtta miellagiddevaččamusa goappánai ráiddus.

Vuollel 12-jahkásaččaid ráiddu buoremus muitalusaid muitaleaddjit bálkkašuvvojit girjegávppi skeaŋkagoarttain ja gudnegirjjiin. 12-18-jahkásaččaid ráiddu viđa buoremus dahkki muitalusat bálkkašuvvojit skeaŋkagoarttain ja gudnegirjjiin sihke dasa lassin sáddejuvvojit gilvalit riikkaidgaskasaš European Heritage Makers Week -dáhpáhusa vuoittuin. Riikkaidgaskasaš duopmárat válljejit geasi áigge buot riikkain boahtán dujiin 10 eanemus inspirerejeaddji gova muitalusaidisguin ja bovdejit daid dahkkiid Strasbourgii vuoitomátkái.

Lassidieđut vuoittus gilvvu eurohpalaš siiddus: Europeanheritagedays.com Heritage Makers in Finland

Lassidieđut: Suoma Ruovttuguovlolihttu (Suomen Kotiseutuliitto), erp(at)kotiseutuliitto.fi 

 

Julkaistu 16.4.2018 klo 14.39, päivitetty 19.3.2019 klo 10.33
Aihealue: